(Ka pheikhawk)
Pheikhawk thar ka nei a, a duh duh bun ka phal. Han bun chhin ve teh i buntawk ve maithei.
Tuk tin ni thar duhawm tak hmu theiin ka thangharh a,zing boruak thianghlim tak ka dawn thin te hi ka theihna leh ka chakna ni lovin Pathian zahngaihna a lo ni tih he pheikhawk ka neih tang chiah hian ka hrefiah lehzual nia. Pheikhawk duhawm tak a ni.
Ruihhlo ngai te leh misual kan tih mai te hi ka hmusit a, ka bulhnaia awmah pawh ka duh ngai lo a, biak vak tlakah pawh ka ngai hlawm lo.Mahse, he pheikhawk ka bun hnu hi chuan ka perfect bik loh zia leh, kei min Siamtu in duhtaka a siam ve tho te an ni tih ka hmu ta tlat mai.He pheikhawk hi ka rin aiin a lo hniam.!!!
Mi chhiatna lai ka sawi fo te, mi vanduaina leh harsatna hmuhnawm thlira ka lo thlir thin te kha he pheikhawk atang hi chuan a tuartu rilru ka put pui thiam ta tlat mai a, vanduaina leh harsatna an tawh mai baka diriamna an dawng tel thinte hi a na dawnin ka hre ta riau mai.Ka sawi ngam tawh lova, hmuhnawm pawh ka ti ngam tawh lo.Ka hmalam hun ka hre tlat lo.He pheikhawk hi a!!!
Min er tu leh min sawichhe fo tute, min hmusittu tih let ve ka chak ngawih ngawih thinna te kha he pheikhawk ka bun hnu hi chuan ka ngawihreng hian an mahni hi na takin ka vaw let zawk a, mi ten mi puitlingah min ngai zawk tih ka hre ta. Ka pheikhawk hi a va tha e aw...!!!😘
Mirethei zawkte ka hmuhsit a hausa zawkte ka tlawn thinna pawh he pheikhawk thar bawk hian an lakah rilru thuhmun min puttir a, heng avang hian hlawkna ka nei lo tih ka hmu ta. Ka pheikhawk thar hi a van tha tehreng em.!!
Hringnun hian thil tamtak min zirtir a, harsatna leh manganna ka tawhte, mualphona thleng pawhin he ka zinkawnga min khalh ngil leh thintu leh a tuar ve tu te tan malsawmna chikhat ka thlen ve theihna an lo ni reng mai tih ka pheikhawk atang hian ka hmu bawk.Ka duh tulh tulh mai.😍
Kan hmangaihtakte nen hian kan inthen hun a la awm ngei dawn a, min kalsan hmasa ta a lo nih pawha ka nat lutuk loh nan leh, mittui nen pawha kawng biboh deuh ah pawh awlsam taka kalpui theih tura ka pheikhawk hi ka bunthiam a ngai hle dawn a, hei hi chu ka la zir fe a ngaiin ka ring.In-sole chhah chi dah pawh a ngai maithei.😞😉
He pheikhawk hi a thar tih takah mi han nawh zauh changte pawh a nei ve thin.A tirah chuan a sang riauin ka hria a, ka bun tawk pawh ka ring bik chiah lova, mahse, ka lo bun thei tlat anih hi. Ka bun atang hi chuan ka khawvel thlir dan a dang ta daih mai. Han thawlh ve chhin teh.Kei ai mahin i lo tawk maithei asin.
@facebook
Pheikhawk thar ka nei a, a duh duh bun ka phal. Han bun chhin ve teh i buntawk ve maithei.
Tuk tin ni thar duhawm tak hmu theiin ka thangharh a,zing boruak thianghlim tak ka dawn thin te hi ka theihna leh ka chakna ni lovin Pathian zahngaihna a lo ni tih he pheikhawk ka neih tang chiah hian ka hrefiah lehzual nia. Pheikhawk duhawm tak a ni.
Ruihhlo ngai te leh misual kan tih mai te hi ka hmusit a, ka bulhnaia awmah pawh ka duh ngai lo a, biak vak tlakah pawh ka ngai hlawm lo.Mahse, he pheikhawk ka bun hnu hi chuan ka perfect bik loh zia leh, kei min Siamtu in duhtaka a siam ve tho te an ni tih ka hmu ta tlat mai.He pheikhawk hi ka rin aiin a lo hniam.!!!
Mi chhiatna lai ka sawi fo te, mi vanduaina leh harsatna hmuhnawm thlira ka lo thlir thin te kha he pheikhawk atang hi chuan a tuartu rilru ka put pui thiam ta tlat mai a, vanduaina leh harsatna an tawh mai baka diriamna an dawng tel thinte hi a na dawnin ka hre ta riau mai.Ka sawi ngam tawh lova, hmuhnawm pawh ka ti ngam tawh lo.Ka hmalam hun ka hre tlat lo.He pheikhawk hi a!!!
Min er tu leh min sawichhe fo tute, min hmusittu tih let ve ka chak ngawih ngawih thinna te kha he pheikhawk ka bun hnu hi chuan ka ngawihreng hian an mahni hi na takin ka vaw let zawk a, mi ten mi puitlingah min ngai zawk tih ka hre ta. Ka pheikhawk hi a va tha e aw...!!!😘
Mirethei zawkte ka hmuhsit a hausa zawkte ka tlawn thinna pawh he pheikhawk thar bawk hian an lakah rilru thuhmun min puttir a, heng avang hian hlawkna ka nei lo tih ka hmu ta. Ka pheikhawk thar hi a van tha tehreng em.!!
Hringnun hian thil tamtak min zirtir a, harsatna leh manganna ka tawhte, mualphona thleng pawhin he ka zinkawnga min khalh ngil leh thintu leh a tuar ve tu te tan malsawmna chikhat ka thlen ve theihna an lo ni reng mai tih ka pheikhawk atang hian ka hmu bawk.Ka duh tulh tulh mai.😍
Kan hmangaihtakte nen hian kan inthen hun a la awm ngei dawn a, min kalsan hmasa ta a lo nih pawha ka nat lutuk loh nan leh, mittui nen pawha kawng biboh deuh ah pawh awlsam taka kalpui theih tura ka pheikhawk hi ka bunthiam a ngai hle dawn a, hei hi chu ka la zir fe a ngaiin ka ring.In-sole chhah chi dah pawh a ngai maithei.😞😉
He pheikhawk hi a thar tih takah mi han nawh zauh changte pawh a nei ve thin.A tirah chuan a sang riauin ka hria a, ka bun tawk pawh ka ring bik chiah lova, mahse, ka lo bun thei tlat anih hi. Ka bun atang hi chuan ka khawvel thlir dan a dang ta daih mai. Han thawlh ve chhin teh.Kei ai mahin i lo tawk maithei asin.
Comments
Post a Comment