Group Nite an hman tur tul pawimawh a awm avangin an la thufual leh cheu a, an ban a in lam an pan meuh chuan dar 12:00 a ri thuak tawh a ni. Tv Thantea hi kum 22 mi vel, tlangval fel tak zuk leh hmuam pawh tilo, a tleirawl tirh atanga Kohhran bel tlat, A pa in a thihsan tawh avanga a nu ho a, a farnu pakhat nula kum 18 mi vel nena khawsa an ni. Chutiang mi anih avang chuan Thantea hi Group OB ni phak ngat a ni. Committee an ban chuan an Treasurer Nl Duhawmi Nula Senior lam ve tawh nen hian an haw dun a. Haw kawngah chuan Group Nite an hman dan tur te an sawi dun a, an phurin an hlim hle. Kawng pengthuam Nl Duhi te in bul an thlen chuan an inmangtha ta a, Thantea chuan thil pakhat han sawi leh lawk a tuma an leh hawi chuan Duhi chu a lo bo hman daih a, A va hmanhmawh em em, A kal chak awm hle mai tih pahin a nui tut tut a.
An veng kawn lai tak tak, kawng pengthuam awmna ava thlen chuan Bike pakhat hi Kawng sirah a lo tlu a, Pa Pakhat Pu Chhunga inkhawm ngai miahlo hian hian a lo tung tha mek a, Thantea chuan Accident an awm a ni maw tiin Pu Chhunga chu an zawt a, a ni chuan an awm pawh ka hre lo he bike hi helai ah hian a lo let renga kan tung tha lawk anih hi tiin a chhhang a. A piah leh deuh ah chuan Private Car pakhat hi Driver awm lo hian kawng lai takah a lo ding ngut bawk a, Thantea chuan chu Driver kawnglai taka Motor din tir ngawttu chuan manner a hrelo hle in a hria a, mahse a tlai tawh deuh avang leh zing thawh hma leh a ngaih avangin In lam a pan san ta a.
An In a thlen chuan a chhungte tih thawh hlau takin thawm dimtein a lut a. Mahse an sitting room a TV chu a lo in on reng a, zan a rei tawh si a, mak a ti ang reng hle a. A farnu Thartei chu i la mulo em ni tiin an au a, mahse chhangtu an awm lo. A nau mutna room chu an en a, khum chu a lo ruak vek a, Bathroom ah a awm anih ringin an bathroom ava en leh a, a lo ruak hiau a. A nu chu an au a, chhangtu an awm lo. A ngaih a tha chiah lo a, a nu mutna chu an en a, Mutna thawhsan niawm tak hian rizai sin lai inhlim darh deuh niai ruak huai si hian a lo awm a. Ka nu, mami khawnge in awm tiin an au vak vak a. Mahse a reh thiap mai si. A mang ang rilru ta hle a, a thianpa an group Leader Pu Mawitea chu an Call-a mahse a pick-up theilo, a ring quit quit thak thak ringawt. A thiannu Nl Duhawmi kha an phone leh a, a ni pawh chuan phone a la thei chuang lo. An la muhil hman bik awm silo tiin phone call an la thei lo chu mak a ti hle a. An Branch Leader Pu Sangtea Pa ang maia a en chu an Phone leh a, a ni pawh chuan call a la thei bik si lo....
A mangang chu khawlai ah a tlan chhuak ta ringawt a. A rin loh takin Kawtthler ah chuan mi an lo vei nuaih nuaih mai a. Mami committee a lo la haw lo, an bang daih tawh si a, kan phone lahin a la thei bawk silo tih te, Ka nu leh pa mu lai an bo daih tih te, Kan nu nena khuma kan mut dun laiin mak deuhin a awm lo thut mai tih te, Kan pa awmna chin ka hre lo tih te, in lo hmulo maw tiin an lo inzawt sup sup mai a. Thantea chuan chung thil vel an hmuh chuan mak tiin tek chuai chuai hian a inhria a.... hmanhmawh deuhin an in lamah a tlan let leh a. TV Remote Control chu a la a. BBC, CNN channel vel chu an hmet chhuak a. Breaking News an lo puang chuai chuai mai a. Khawvel hmun
hrang hranga thlilthleng mak tak tak hi an rawn puang a. Thlawhna Pilot bo thut vanga accident te, Train khalhtu bo thut vanga accident thleng te, Mi tam tak an chin hriatloh a an bo tak daih dan te chu an rawn puang chuai chuai mai a. TV Puangtu chuan he thilthleng mak tak hi a chhan chiah kan la hrelo nain, Aliens ten kan khawvel hi an rawn run niin kan hria a, thuchiang kan hre thuai turah kan ngai tiiin a comment a.
Thantea chuan thilawm dan chu a hrethiam ta vek mai. Bible in a lo sawi lawk tawh kha Mat. 24: 30-31, Thesolonika 4:16-17, I Korinth 15:51-52, Thupuan 1:7 thu te kha. A chal a dawm a, ka nu...mami tiin a phun sep sep a, a biangah mittui a luang ngiai ngiai a.....AN HRUAI TEL VE TA LO
Thulakna : Facebook
Comments
Post a Comment